تيجوا نتوب؟؟؟؟؟

موضوع: تيجوا نتوب؟؟؟؟؟ 2008-06-18, 12:17

السلامُ عليكم ورحمة الله وبركاته

ازيكم؟؟؟؟

يارب تكونوا بخير وسعادة

رمضان ع الأبواب

عاوزين نستعد كويس أوي باذن الله

طب هنعمل إيه؟؟؟؟

إيه رأيكم نبدأ نستعد لأغلى الضيوف؟؟؟

تيجوا نتوب؟؟؟

(إِنَّمَا التَّوْبَةُ عَلَى اللّهِ لِلَّذِينَ يَعْمَلُونَ السُّوَءَ بِجَهَالَةٍ ثُمَّ يَتُوبُونَ مِن قَرِيبٍ فَأُوْلَـئِكَ يَتُوبُ اللّهُ عَلَيْهِمْ وَكَانَ اللّهُ عَلِيماً حَكِيماً )النساء17

عملنا ذنوب كتير أووووي

كل واحد فينا عارف هو عمل ايه؟؟؟؟؟

وربنا سترنا فى دُنياه..وباذن الله هيسترنا فى آخرته

طب ماتيجوا بسرعة..ياللا نتوب

ياللا بينا نروح للتواب

كذبت مرة او اتنين ولا يمكن كتير؟؟؟؟

بتقول ايه؟؟؟

ماحدش يعرف انك كذبت؟؟؟؟

الستار سترك ...روح بسرعة استغفره وبسررررررعة ياللا بينا نتوب

وانت مابتسمعش كلام ماما وبابا؟؟؟؟

مش عارف انهم نعمة من الرحمن؟؟؟؟؟

ياللا بسرعة روح بوس إيد بابا وماما..واستغفر ربك..وياللا نتوب

وانتى اتخليتي عن حجابك الشرعي؟؟؟

ومشيتي في الشارع وفتنتي فلان وفلان وفلان؟؟؟؟؟

بسرعة ياحبيبتي...ربنا غفار..ربنا تواب

وانت مشيت ورا أوهام حاجات بتسموها الحب؟؟؟وكنت بتسيب المحاضرات عشان تقابل بنت وتقعدوا لوحدكم؟؟؟؟ماكنتش بتخاف عليها ولا ع نفسك؟؟؟

وانتى سمحتي بكده وكنتي مبسوطة؟؟؟؟؟؟؟

إيه رأيكم بسررررعة تعالوا نتوب

وانت كان الشات وسيلة لقيتها لذيذة تكلم بيها بنات؟؟؟؟

بسرررررررعة

ربنا غفار..ربنا تواب

ياللا نتوب

وانتى...بتكلمي شباب ع الماسنجر؟؟؟بتكلمي شباب ع الموبايل؟؟؟حاسة انك ماشية في طريق مش بتاعك؟؟؟؟

بسرعة..استغفري وياللا نتوب

ممكن تكون بتعمل حاجة غلط وانت حاسس انها غلط..بس بتعملها..ساعات بنحتاج حاجة قوية تهزنا..وتقول رايحين ع فين؟؟؟

ماتيجوا نعرف رايحين ع فين ومانستناش الحاجة القوية؟؟؟

الجنة بتنادينا..تيجوا نلبي النداء؟؟؟؟

ورمضان ع الأبواب..تيجوا نستعد؟؟؟؟

ياللا نتوب

إني أحبكم في الله

_________________

موضوع: رد: تيجوا نتوب؟؟؟؟؟ 2008-06-19, 11:34

اللهم تب علينا

فنتوب

_________________